Í dag sita næmingar úr øllum skúlum í norðoyggum á eini felagsroynd í Fimleikarahøllunum.
Skúlastjórin á Ziskatrø, Signar á Brúnni, greiður frá at endamálið við tiltakinum er at menna samstarvið millum skúlarnar og lærararnar.
– Skúlarnir í Norðoyggjum hava í eina tíð tosað um at gerða eina felagsroynd fyri 7. flokkarnar sum eina fyrireiking til framhaldsdeildina tá teir jú savnast í Klaksvík.
– Lærarar av Viðareiði, Kunoy, Mikladali og Fossanesi hava saman við lærarum á Ziskatrø verið við til at fyrireika felagsroyndina.
– Eisini eru lærararnir felags um at ganga á vakt og ein bólkur við umboðum frá øllum skúlunum skullu eisini døma royndina.
– Endamálið er at menna eitt samstarv millum skularnar og í felag verða við til at mynda tey krøv sum verða sett næmingum í 7. flokki.
– Tiltakið hevur eydnast sera væl og lærarar eru sera væl nøgdir við samstarvið.
