Hósdagin 26. juni byrjar súkkluferðin hjá Team Rynkeby, og aftur í ár verða súkklararnir sendir avstað frá Smæruni á Kjalarvegnum 48.
Øll eru hjartaliga vælkomin at ynskja ferðaliðnum góða ferð. Bjóðað verður kaffi, køka og okkurt søtt til børnini.
Skráin:
- Kl. 10.30: Súkklurnar verða vístar fram, og høvi verður at heilsa upp á Team Rynkeby.
- Karl Johansen, borgarstjóri, og Meiken Michaelsen, umboðandi Team Rynkeby, halda røður og Rani Nolsøe syngur tvey løg.
- Kl. 11.15: Fráferð av Kjalarvegnum. Súkklað verður út til Klaksvíkar Sjúkrahús.
Klaksvíkar kommuna ynskir øllum súkklarunum eina góða ferð.
