Fleiri spreingingar hava í morgun verið í Belgiska høvuðsstaðnum Brússel.
Fyrst var tað á flogvøllinum, at tvær spreingingar vóru og seinni varð boðað frá eini spreinging á eini metrostøð, ið liggur einans 300 metrar frá høvuðsborgini hjá ES-kommissjónini.
Brússel hevur seinastu dagarnar verið í brennideplinum orsaka av umfatandi antiyvirgangsatsóknum. Leitað verður eftir einum av teimum mistonktu frá álopunum í Paris í november, og fríggjadagin eydnaðist politinum at handtaka Salah Abdeslam, ið er mistonktur fyri at vera høvuðsmaður aftanfyri álopini í Paris.
