Mjølnir taptu 1-3 fyri Fleyri, men lítil munur í settunum.
Vit hava áður skrivað, at unga mansliðið hjá Mjølni er á veg fram, hóast liðið í inniverandi kapping enn einki stig hevur vunnið sær í bestu deildini, EIK-ligan hjá monnum.
Sunnudagin vóru Mjølnir-menninir í Havn á vitjan í Gundadalshøllini, har Fleyr tók ímóti.
Hesin dysturin, millum Fleyr og Mjølnir, er tann stóri gamli klassikarin í føroyskum flogbólti, at samanbera við Kyndil-VÍF í hondbólti og KÍ-HB í fótbólti.
Í ár er liðið hjá Mjølni eitt sindur skert í mun til undanfarin ár, tí eingir útlendingar eru á liðnum longur. Hesir hava verið berandi kreftir, so tað sigur seg sjálvt, at tað tekur tíð at byggja liðið uppaftur uttan hesar.
Úrslitið av dystinum í Havn sunnudagin var hetta:
Gundadalshøllin 21. desember 2008 kl. 14:00
Fleyr – Mjølnir 3-1
25-19
23-25
25-15
25-21
