Við sigri á TB suðuri í Trongisvági leygardagin tryggjaðu Mjølnir-kvinnur sær aftur í ár í minsta lagi eitt silvurpláss. Harvið er metið hjá teimum longt enn eitt ár. Í 23 ár hava tær nevniliga ongantíð endað á einum verri plássi enn nr. 1 ella nr. 2 í landskappingini.
Mjølnir gjørdi sítt til at varðveita spenningin í meistaradeildini, tá tær leygardagin vunnu á TB suðuri í Trongisvági. Hetta gav teimum oddasessin, til ÍF-kvinnurnar dagin eftir fóru vestur í Vágarnar, har tær vunnu tryggan 3-0 sigur á Drátti.
Við sigrinum fór ÍF aftur 1 stig fram um Mjølnir.
ÍF er sera nær
FM-heitinum.
Nú bara eitt umfar restar at leika í fremstu kvinnuligu flogbóltskappingini, sær FM-møguleikin hjá Mjølni út til at vera lítil.
ÍF má metast at vera sera nær føroyameistaraheitinum. Nú er kravið bert, at tær vinna dystin ímóti botnliðnum KÍF komandi vikuskiftið og tað er ógvuliga sannlíkt, at tær gera tað.
Annars vunnu kvinnurnar í KÍF sín fyrsta dyst í endaspælinum síðsta vikuskiftið. Tað var ímóti Fleyri, sum mátti leggja rygg til ein 1-3 ósigur.
Hetta ger tó ikki KÍF til favorittar ímóti oddaliðnum ÍF, tí eitt er at vinna á einum øðrum botnliði, nakað annað er at møta sjálvum oddaliðnum, sum harafturat hevur heimavøll komandi vikuskiftið.
Nú bert eitt umfar restar, er støðan á stigatalvuni henda:
1) ÍF 24 stig
2) Mjølnir 23 stig
3) TB 18 stig
4) Dráttur 11 stig
5) Fleyr 5 stig
6) KÍF 3 stig
Metið longt
enn eitt ár.
Við hesum er greitt, at bestu Mjølnir-kvinnurnar aftur í ár enda framman fyri bronsuplássið.
Í 23 ár hava tær nevniliga ongantíð endað á einum verri plássi enn nr. 1 ella nr. 2 í landskappingini. Sostatt er metið longt við enn einum ári.
Úrslitini um
vikuskiftið:
08-03: TB Mjølnir 1-3
09-03: KÍF Fleyr 3-1
09-03: Dráttur ÍF
Írestandi
dystirnir:
14-03: ÍF KÍF
15-03: Mjølnir Fleyr
15-03: TB Dráttur
Føroyameistarar
besta kvinnudeildin
frá 1981 til 2002.
1981 Mjølnir
1982 Mjølnir
1983 Mjølnir
1984 Mjølnir
1985 Mjølnir
1986 Mjølnir
1987 Mjølnir
1988 Mjølnir
1989 Fleyr
1990 Fleyr
1991 Fleyr
1992 Mjølnir
1993 Mjølnir
1994 Fleyr
1995 Fleyr
1996 Mjølnir
1997 Fleyr
1998 Mjølnir
1999 Mjølnir
2000 Mjølnir
2001 Dráttur
2002 TB
2003 ?
