Eins og var tað tikið úr einum Indiana Jones ella Lara Croft filmi, hava fornfrøðingar við spenningi funnið eitt kongaligt gravkamar fylt við dýrgripum djúpt inni í frumskóginum í Guatemala.
Spenningurin stóðst av, at fornfrøðingarnir vóru varugir við, at gravránsmenn eisini vóru í umráðinum og ótarnaðir um náttina leitaðu eftir gravkamarinum inni í teimum mongu loynigongdunum.
Politikken.dk veit at siga, at gravránsmennirnir oftani gera um seg í Maya økinum. Fongir teirra enda javnan á søvnum ella hjá privatpersónum.
Hesaferð eydnaðist tað tó fornfrøðingunum, at finna garavkamarið, ið liggur undir einum av teimum vælkendu Maya pyramidunum. Í gravkamarinum funnu teir ein gamlan kong, ið fyrr ráddi yvir einum aldargomlum býi, ið nú er oyðilagdur. Mett verður, at hesin kongurin var grundleggjarin av einum ríkið í ráddi frá Guatumala og upp til Meksiko.
Millum lutirnar í kamarinum, ið mettir at vera meir enn 1500 ára gamlir, var eitt jade príði og ein jaguar pelsur.
