Føroya Bjór Renning í miðbýnum í 20 ár

Á Norðoyastevnu eru tað 20 ár síðani, at Føroya Bjór Renningin flutti inn í miðbýin í Klaksvík. Undanfarnu renningarnar áðrenn 1997 vóru góðar 7 km frá bygdini í Haraldsundi til Klaksvíkar.

Í byrjanini av 1997 flutti rennarin Guttorm Sørensen til Klaksvíkar at búgva eftir loknan lesnað í Danmark. Fyri at varpa meira ljós á renning og fyri at geva børnum møguleika at renna, so valdi hann longu á Norðoyastevnu, at skipa fyri renning fyri bæði børn og vaksin í miðbýnum. Seinni komu fleiri stevnurenningar har bæði børn og vaksin kundu luttaka. Tað eru fleiri góðir rennarar, sum í dag mynda oddin av føroyskari renning, sprotnir úr stevnurenningunum.

Undirtøkan fyri Føroya Bjór Renningini í miðbýnum varð góð frá byrjan og luttøku 65 rennarar í 1997. 10 vaksin og 55 børn. Øll árini hevur luttøkan verið góð, men seinnu árini er býtið millum børn og vaksin broytt til fleiri vaksin og færri børn.

Niðanfyri síggjast úrsltini frá fyrstu Føroya Bjór Renningini í miðbýnum.