Sjøtul kann nú setast á arbeiðið at seta eina føroyska sendistovu á stovn í Moskva. Løgtingið hevur í kvøld samtykt at seta tvær millionir krónur av til sendistovuna í Moskva komandi ár. – -Hetta er ein stórur dagur fyri føroyskan uttanríkispolitik.
Sjøtul kann nú setast á arbeiðið at seta eina føroyska sendistovu á stovn í Moskva. Løgtingið hevur í kvøld samtykt at seta tvær millionir krónur av til sendistovuna í Moskva komandi ár. – -Hetta er ein stórur dagur fyri føroyskan uttanríkispolitik.
Sendistovan í Russlandi verður eitt týdningarmikið amboð hjá okkum at styrkja handilsviðurskiftini við Russland og onnur eystanlond. Málið er at fáa sendistovuna at virka í komandi ári, sigur Kaj Leo Holm Johannesen, løgmaður. Føroyar hava í dag sendistovu í Keypmannahavn, London, Reykjavík og Brússel. Sendistovan í Moskva verður sostatt fimta sendistova Føroya úti í heimi. Mynd: Kaj Leo Holm Johannesen, løgmaður og Sergei Lavrov, uttanríkisráðharri Russlands.
