Sunnudagin kl. 13:45 byrjaði dystur í 1. deild kvinnur millum KÍ og GÍ, og hann endaði við einum 5-0 sigri til KÍ, sum harvið er oddalið í 1. deild.
Í fyrra hálvleiki hevði KÍ havt yvirvág, hóast GÍ eisini hevði havt onkrar málmøguleikar.
Málini hjá KÍ í fyrra hálvleiki skoraðu Bára Klakstein, Rannvá Andresen og Malena Josephsen.
Harvið hava KÍ-kvinnurnar lagt seg aftur á odda í 1. deild við sama stigatali sum B36 (37 stig fyri 14 dystir), men KÍ-kvinnurnar hava munandi betri málúrtøku enn B36.
KÍ hevur eina málúrtøku á +40, meðan B36 "bert" hevur málúrtøkuna +23.
GÍ liggur á triðjaplássi við 23 stigum.
