Á býráðsfundinum í desember varð samtykt at keypa fýra kranar at seta upp á ymiskum økjum á havnarløgunum í kommununi.
Brúkarar av havnarløgunum, serliga smærri útróðrarbátar, hava í longri tíð havt eitt ynski um, at smærri kranar verða settir upp, soleiðis at tað gerst lættari hjá eitt nú smábátum at fáa fisk á land. Eftir ætlan verða kranarnir settir upp í samráð við teir brúkarar, ið eru á Stongunum, á vestara havnalagi, bátahylinum í Borðoyarvík og í bátahylinum í Árnafirði.
Hetta er ein góð og ómakaleys loysn, sum eisini verður brúkt aðrastaðni í Føroyum.
