G!: G!-festivalurin byrjar so smátt í kvøld. Í gjárkvøldið arbeiddu menn og kvinnur við lív og sál. Tjaldingarøkið er so at siga klárt, nú vantast bert tjaldingargestir. Inni á sjálvum G!-økinum skal bert pyntast eitt sindur afturat.
Veðrið hevur ið hvussu er verið til vildar, at rigga G!Festivalin til. Aftur í gjárkvøldið vísti veðrið seg frá síni bestu síðu. Nógvar reyðar gronar vóru eisini tískil at síggja.
Norðlýsið var ein túr við myndatólinum. Norðlýsið fer at fylgja G!Festivalinum væl og virðiliga. So tað verður á www.nordlysid.fo at feskastu og stuttligastu greinarnar fara at finnast í G!-døgunum. Sjálvsagt eisini tær bestu myndirnar. Vit hava fingið myndastyrk í ár. – Spennandi verður.
