Gango greiddi frá um Ungarn

Tá føroysku áskoðararnir vóru í Ungarn í síðstu viku, so var tað so heppið, at málverjin Andras Gango, sum er frá Ungarn, var við á túrinum.

Hann átók sær eisini partvís leiklutin at greiða fólki frá ymiskum søguligum og mentunarligum viðurskiftum í Ungarn. M.a. tók hann eisini mikrofonina, tá bussurin við føroysku áskoðarunum fór heim eftir landsdystin hóskvøldið. Hetta kom hann sera væl frá.

Norðlýsið var við í Ungarn til spennandi dystin, sum Ungarn at enda vann 2-1. Niðanfyri kunnu allar greinarnar úr Ungarn lesast.