Tað var ikki danski Bendtner, men føroyski Gilli Rólantsson Sørensen, sum kom á máltalvuna við flottum langskoti.
Føroyingurin er í gongd við at skapa sær eitt heitt navn í norskum fótbólti eftir, at hann í kvøld skoraði eitt flott mál á útivølli móti oddaliðnum Rosenborg.
Gilli Rólantsson Sørensen hevur fingið eina góða byrjan í Brann. Í kvøld skoraði hann við vøkrum langskoti móti ongum minni enn Rosenborg, enntá á útivølli. Gilli fekk bóltin í vinstru síðu, trekti inn í vøllin og skeyt so bóltin dygst úti við stólpan. Málið var til 1-1 og kom í 79. minutti.
Tíverri fyri Gilla, so bleiv málið ikki so avgerandi, tí Rosenborg skoraði sigursmálið í yvirtíðini. Rosenborg liggur á odda í deildini við 19 stigum. Brann er á 4. plássi við 11 stigum.
Málið kann síggjast HER
