Góð 40 uppskot komu inn til búmerkjakappingina, sum IRF útskrivaði fyrst í juni. Freistin at lata uppskot inn var 20. august.
IRF sigur, at endamálið við búmerkjakappingini er at finna fram til eitt búmerki, sum á ein einfaldan hátt lýsir høvuðsendamálið hjá IRF, ið er at fyribyrgja dálking av føroyska umhvørvinum.
Vinnarin av búmerkjakappingini verður avdúkaður tann 20. september, og vinningurin er 20.000 krónur.
Í dómsnevndini, ið skal velja millum innkomnu uppskotini sita: Gunvá við Keldu, grafikari, Edward Fuglø, listamaður, Petra Iversen, nevndarlimur í IRF, Poul Andrias Joensen, stjóri í IRF og Aslaug Gisladóttir, umhvørvisleiðari í IRF.
