Kjartan á Gravarbø, formaður í Klaksvíkar Fimleikafelag fegnast í hesum døgum, tí ungu íðkararnir vinna fleiri og fleiri heiðursmerkir til felagið
Kjartan á Gravarbø, formaður í Klaksvíkar Fimleikafelag fegnast í hesum døgum, tí ungu íðkararnir vinna fleiri og fleiri heiðursmerkir til felagið.
Fyri 14 døgum síðan var kapping í Bylgjuni í Runavík og tá gjørdist talan um eitt silvurheiðursmerki og trý bronsuheiðursmerkir.
Í gjár var fimleikakapping í Fimi í Tórshavn og talan gjørdist um eitt ordans hál – tvey gullheiðursmerkir, tvey silvurheiðursmerkir og tvey bronsuheiðursmerkir.
Norðlýsið ynskir øllum vinnarunum hjartaliga til lukku við flottu úrslitunum.
Myndirnar eigur Klaksvíkar Fimleikafelag.
