Tað er nærum einki umfar, har eingin føroyingur skorar mál í Danmark.
Vendsyssel vann 3-2 móti Fredericia og liggur nú á deildum fyrsta plássið.
Hallur Hansson og René S. Joensen skoraðu báðir. Tað merkir, at uppá 8 umfør hevur Hallur Hansson skorað 4 mál og René S. Joensen 3 mál.
Vejle liggur á odda í deildini og eisini har spæla fleiri føroyingar. Jóan Símun Edmundsson hevur skorað 3 mál higartil fyri Vejle. Sostatt liggja tríggir føroyingar í topp 15 toppskjúttaralistanum í næstbestu donsku deildini eftir 8-9 umfør eru leikt.
