Tað eru í ár 20 ár síðani fyrsta føroyska granskingarráðið varð ásett í lóg.
Tíðindaskriv:
Tað eru í ár 20 ár síðani fyrsta føroyska granskingarráðið varð ásett í lóg.
Í hesum sambandi skipar Granskingarráðið fyri hátíðarhaldi í Skálanum í Norðurlandahúsinum fríggjadagin 13. mai frá kl. 13 til 16.
Kom við, tá vit hyggja aftur á farnu árini og fram ímóti komandi avbjóðingum og ætlanum.
Á skránni eru røður, framløgur og onnur innsløg:
– Eilif Samuelsen, fyrrverandi landsstýrismaður í Mentamálum um ætlanirnar við fyrstu lógini, sum hann legði fram
– Pál Weihe, professari og leiðari fyri Deildina fyri Arbeiðs- og Almannaheilsu, um týdningin av Granskingarráðnum og stuðlinum úr Granskingargrunninum
– Annika Sølvará, stjóri í Granskingarráðnum um virksemið fyrr og nú
– Framløgur um nakrar útvaldar verkætlanir:
Gunnvør á Norði
Bergur Djurhuus Hansen
Agnes Mols Mortensen
Erland Viberg Joensen
Jónrit Halling
Magni Mohr
– Martin Zachariassen, professari og dekanur á Syddansk Universitet, fyrrverandi formaður fyri Granskingarnevndina um avbjóðingar fyri framman
– Rigmor Dam, landsstýriskvinna í Mentamálum, um ætlanir landsstýrisins á granskingarøkinum
Aftaná bjóða vit ábit og okkurt leskandi til góman.
