Í dag kl. 16:02 fekk politiið fráboðan um, at ein grind var sædd tætt við land eystan fyri Trøllkonufingur.
Sýslumaðurin avgjørdi, at grindin skuldi rekast og haldast til í Sandavági.
Grindin bleiv rikin inn á Sandavág og kl. 17:50 vóru millum 80-100 hvalir deyðir.
Politiið var á staðnum fyri at tryggja lóg og landaskil, bæði á sjógvi og landi.
5 persónar frá Sea Shepherd blivu handtikin á sandinum í samband við drápið. Tey eru øll skuldsett fyri brot á grindalógina.
3 av teim handtiknu blivu afturhildin av civilum føroyingum og latin politinum á staðnum. Politiið vil fegin í samband við hesar føroyingar.
Tey verða biðin um skjótast tilber, at seta seg í samband við politiið á tlf. 35 14 48
Tað hevur enn ikki eyðnast politinum, at leggja hald á ein RIB bát hjá Sea Shepherd, ið forstýraði rakstrinum av grindini.
Politiið hevur í løtuni ikki fleiri viðmerkingar til málið.
