Grindin gongur nú spakuliga suður gjøgnum Nólsoyarfjørð
Positiónin hjá finningarbátinum Alberg, er: 6201,6 og 642,7
Gongur væl
Tað er rættuliga nógvur bátur hjá grindini og mett verður at tala er um stóra grind.
– Vit hava nú fingið grindina suður í fjørðin og liggja nú beint við Stongina.
– Hon gongur í tveimum bólkum og í løtuni royna vit at savna bólkarnar.
– Tað er trupult at meta um hvussu stór grindin er. Eg vildi tó mett at talan er um stóra grind, sigur Birgir Lützen umborð á Alberg.
Teir eru fýra mans umborð og vóru á veg at taka rúsur upp tá teir sóu grindina umleið klokkan hálvgun tólv.
