Garnhúsið hevur fingið nýggjan leiðara. Sunda kommuna hevur sett Hans Andrias Olsen í starvið.
Hans Andrias er 34 ára gamal og hevur drúgvar royndir frá ungdómshúsinum í Klaksvík. Umframt námsfrøðiliga útbúgving hevur Hans Andrias verið virkin innan fótbólt og tónleik sum venjari og undirvísari.
Sunda kommuna bjóðar Hans Andrias hjartaliga vælkomnan í starvsfólkahópin. Samstundis vilja vit takka Katrinu Nattestad fyri tíðina.
Á myndini síggjast fráfarandi leiðarin, Katrina Nattestad og nýggi leiðarin úti í Garnhúsinum.
