Sigur borgarstjórin í Gøtu Kommunu, Hans Mourits Foldbo, sum vísir aftur tíðindum um at steðgur er komin í verkætlanina.
– Tað sum eg havi fingið at vita er at byggingin fer í gongd um einar seks til átta vikur og at flytast skal inni í juni mánaða næsta ár.
– Eg kann sjálvandi ikki garnatera nakað, men nevndin sum arbeiðir við verkætlanini hevur sagt at har vera einari 17 til 18 handlar og eini 50 arbeiðsplás.
Kommunan í Gøtu skal á fund við mennirnar aftanfyri handilsmiðstøðina í Gøtu og eftir tann fundi segði borðarstjórin seg vita meira um verkætlanina. Tað var á bygdaráðsfundi tann 20. apríl 2006 at bygdaráðið í Gøtu avgjørdi at geva prinsipielt byggiloyvi til ein handilsbygning og tveir virkisbygningar í Gøtudali. Byggiloyvi er til ein handilsbygning á 5000 fermetrar og tveir virkisbygningar á 1000 fermetrar hvør. Talan er um eina samlaða verkætlan, ið samanlagt kemur at verða grundarlagið fyri einum handilssentri í Gøtudali. Aftanfyri stóru verkætlanina standa Hans Jørgen Djurhuus, Poul Arne Jacobsen, P/F Leif Mohr og P/F Alu-plast.
