ÍF formaðurin váttar, at spæliloyvið hjá Hanusi Thotleifsson verður flutt til HB ein av komandi døgunum.
Hanus Thorleifsson skifti til ÍF undan kappingarárinum eftir at hann var partur av næstbesta liðinum hjá HB í fjør. Hanus hevur spælt 16 av teimum 20 dystunum í ár, harav 9 frá byrjan. Hann skoraði 1 mál.
Magnus Jørmundsson sigur við Norðlýsið í kvøld, at leikaraloyvið hjá Hanus verður flutt til HB ein av komandi døgunum. Flytingargluggin er latin aftur og tað merkir, at Hanus einans kann leika áhugafótbólt í HB, sum helst verður á 1.deildarliðinum.
