Heri S. Nolsøe er trúgvur KÍ viðhaldsmaður, sum hyggur eftir hvørjum dysti, tá hann er heima.
Heri er lesandi niðri í Danmark og er heima í Klaksvík hvørt summar, tá hann hevur summarfrí.
– Fleiri halda tað vera lygn, men eg havi ikki sæð KÍ vunnið í bestu deildini síðani 26. juli í 2009, tá KÍ vann 3-1 í Sørvági móti 07Vestur. Eg sá onkran sigur í 2010, men tá spældi KÍ í næstbestu deildini. Eg havi verið heima hvørt summar, so tað eru nógvir dystir, sum eg nú havi sæð hesi árini. Eg vildi mett eini 12-15 dystir, sigur Heri S. Nolsøe við Norðlýsið.
