Norðoya Bú- og Heimatænasta søkir eftir heilsuhjálparum og starvsfólki við køksfakligari útbúgving til Norðoya Ellis- og Vistarheim
Brennur tú fyri at skapa góð og virðilig kor fyri tann eldra borgaran, so er tað kanska tær, vit sóknast eftir.
Vit sóknast eftir
· Heilsuhjálpara, við setanarbrøki 0,63, at byrja 1. september 2016.
· Heilsuhjálpara, við setanarbrøki 0,5625, at byrja 1. september 2016.
· Avloysara fyri heilsuhjálpara, við setanarbrøki 0,62, at byrja 1. september 2016 til 31. mars 2016.
· Avloysara fyri starvsfólk við køksfakligari útbúgving, við setanarbrøki 0,475, at byrja 1. september 2016 til 31. mars 2016.
Fyri heilsuhjálparastørvini er talan um skiftandi vaktir og vikuskiftir.
Starvið í køkinum er um dagin og í vikuskiftum.
Um eingin við køksfakligari útbúgving søkir starvið, men fólk við heilsufakligari útbúgving søkir ístaðin, er møguleiki at verða settur við setanarbrøki 0,8.
Broytingar verða møguliga í heilsuhjálparastørvunum, sum geva møguleika fyri hægri setanarbrøki.
Í Norðoya Ellis- og Vistarheimi búgva 11 fólk.
Høvuðsuppgávan hjá starvsfólkunum í Norðoya Bú- og Heimatænastu (NBH) tekur støði í visjónini hjá NBH, sum er:
– NBH strembar eftir at skapa fjøltáttaðar møguleikar fyri nærveru, eldru borgarum, avvarðandi og starvsfólkum at gagni.
– NBH vil raðfesta fleksibilitet og samskapan í teimum loysnum, ið framyvir skulu finnast á eldraøkinum.
– Fyritreytin er eitt hugvekjandi øki, sum er grundað á álit, høgt fakligt støði og virðing.
Førleikakrøv
· Útbúgving, sum svarar til størvini
· Áhuga í at arbeiða við eldri borgarum
· Áhugi og royndir innan demens er ein fyrimunur
· Góð samstarvsevni
· KT-førleika á brúkarastøði
Vit kunnu bjóða
· Stórar fakligar avbjóðingar
· Spennandi og sjálvstøðug størv
· Gott samstarv við onnur fakfólk
Lønar- og setanartreytir:
Lønar- og setanartreytir eru sambært sáttmála millum Fíggjarmálaráðið og avvarðandi yrkisfelag.
Nærri kunning um størvini fæst við at venda sær til Turið Zachariassen, deildarleiðara, á tlf. +298793474.
Umsókn, við avritum av prógvum v.m., verður at senda til nbh@nbh.fo ella Norðoya Bú- og Heimatænastu, Nólsoyar Pálsgøta 32, Postsmoga 2, FO-710 Klaksvík.
Umsóknarfreistin til størvini er á middegi mánadagin 22. august 2016.
