Klaksvíkar kommunala dagrøkt søkir eftir hjálparfólki at byrja 1. September 2016 ella eftir nærri avtalu.
Vit hugsa okkum, at tú møtir í Spælistovuni kl. 07.30 hvønn morgun til reiðar at taka ímóti børnum, sum hava tørv á gestarøkt, tá onkrir av okkara føstu dagrøktarum eru burturfrá. Tað kunnu vera ávís tíðarskeið í árinum, har tørvur er á, at tú møtir inn seinni uppá dagin.
Dagligu arbeiðstímarnir sum gestarøktari kunnu væntast at verða ymiskir í tali, eins og tað kunnu verða tíðarskeið við nógvum arbeiði og aðrar tíðir við minni av hesum arbeiði.
Vit ynskja, at tú
– Ert opin og fyrikomandi
– ert nærverandi og rúmar ymiskleikum hjá børnum
– sært avbjóðingar og møguleikar fram um mørk
– ert sterk/-ur í at samskifta og leggur dent á gott samstarv
– ert morgunfús/-ur og fyrikomandi
– hevur hegni og áhuga, at arbeiða við børnum
– hevur virðing og umsorgan fyri tí einstaka barninum
– ert fleksibul
Vit kunnu bjóða eitt inspirerandi og lívsjáttandi starv við børnum.
Lønar- og setanarviðurskifti eru sambært sáttmála millum Kommunala Arbeiðsgevarafelag Føroya (KAF) og Føroya Pedagogfelag.
Meira fæst at vita við at venda sær til Vivian Bjartalíð, dagrøktarleiðara á telefon 22 57 19.
Skrivlig umsókn skal vera okkum í hendi í seinasta lagi 30. juni 2016 og sendast til dagrokt@klaksvik.fo ella Klaksvíkar Kommunala Dagrøkt, á Brekku 36, 700 Klaksvík
