Høgni Hoydal
løgtingsmaður
Munnligur fyrispurningur
til
Kaj Leo Holm Johannesen, løgmann
Viðvíkjandi at skipa eina leiðslu í sjúkrahúsverkinum
1. Hvørjar politiskar viðgerðir og fyrireikingar eru gjørdar í landsstýrinum, tá løgmaður boðar frá undir 1. viðgerð av fíggjarlógini, at ein leiðsla skal skipast fyri øll sjúkrahúsini í sjúkrahúsverkinum?
2. Hvørjar fakligar fyrireikingar og frágreiðingar eru gjørdar til hetta uppskot frá landsstýrinum, sum løgmaður nú hevur boðað frá?
3. Hvat samskifti og hvørjar samráðingar hava verið millum leiðslurnar, fakfeløg, áhugafeløg og onnur avvarðandi í sjúkrahúsverkinum undan hesum uppskoti frá landsstýrinum?
4. Er hetta partur av frágreiðingini, sum landsstýrismaðurin í heilsumálum leggur fyri tingið til aðalorðaskiftis um heilsupolitikk og ætlanirnar frameftir?
5. Nær verður uppskotið sent til hoyringar og lagt fyri tingið?
Á Løgtingi, 8. oktober 2013
Høgni Hoydal
