Í 2024 bleiv Exit Føroyar av álvara tikið upp aftur, tá dentur var lagdur á, at 40% av hvørjum árgangi flyta av landinum at lesa og at bert helvtin av teimum flyta heim aftur. Hetta førir til, at ein fimtipartur av hvørjum árgangi hvørvur.
Í dagsins Frískt lot-sending viðgera David og Rannvør rákið við fleiri gestum.
Alda Lamhauge, ið ikki væntar at flyta heim aftur til Føroyar og Ragnar Sjúrðarson, sum í ár helt eina flaggdagsrøðu á Regensen, ið millum annað eggjaði føroyingum til at velja Føroyar og flyta heimaftur, luttaka í einum práti um hesi bæði ymisku sjónarhornini.
Mekhala O. Kollslíð, ið hevur roynt at lesa bæði í Danmark og í Føroyum og Bjarni Kárason Petersen, ið sum løgtingsmaður hevur lagt stóran dent á týdningin av at styrkja lestrar møguleikarnar og umhvørvið í Føroyum, vera eisini við til eitt prát um, hvussu føroyska lestrarumhvørvið kann gerast meira kappingarført.
At enda hoyra vit eisini eitt boð uppá eitt summarhitt, sum Jónas Gaard og Marius DC hava gjørt í felag.
Sendingin kann hoyrast live frá kl 15-16 her: https://stroym.fo/nordlysid_live.html
Um tað ikki er møguligt at lurta live ella ein ynskir at lurta umaftur, so liggja sendingarnar her: https://nordlysid.fo/category/poddar/friskt-lot/
Til ber eisini at fylgja nærri við sendingini, at skriva til vertirnar og at luttaka í kappingum á instagram vanganum: https://www.instagram.com/frisktlot?utm_source=ig_web_button_share_sheet&igsh=ZDNlZDc0MzIxNw==
