Bjørn Kalsø, løgtingsmaður, hevur sett Kristinu Háfoss, landsstýriskvinnu, ein fyrispurning um hækkaði tinglýsingargjøld.
Bjørn Kalsø spyr millum annað um, hvussu nógv meira er komið í Landskassan í 2016 í mun til undanfarin ár orsaka av hækkaðu tinglýsingargjøldunum, og um nakrar ætlanir eru at hækka gjøldini enn meira.
Seinast tinglýsingargjøldini hækkaðu var í 2008, tá CHE-samgongan tvífaldaði gjøldini, og nú eru tey enn einaferð hækkaði við eini helvt.
Í viðmerkingunum til spurningin sigur løgtingsmaðurin, at almennu útreiðslurnar eru hækkaðar munandi undir nýggju samgonguni og at hópur av gjøldum eru løgd á borgarar og vinnu í eini roynd at fíggja skjótt vaksandi útreiðslurnar.
Landsstýriskvinnan skal svara skrivliga sambært § 52 a í Tingskipanini.
