Hvussu nógv almennar alment starvsfólk arbeiða kring landið?

Hendan spurning hevur Kári P. Højgaard, løgtingsmaður fyri Nýtt Sjálvstýri, sett Kristinu Háfoss, landsstýriskvinnu.

Hann vil eisini hava at vit hvussu stór almenna lønarútgjaldingin er, býtt eftir sama leisti. Í hvørjari sýslu sær:

“Fyrispurningur eftir Tingskipanini § 52a

Fyrispurningur um almennar húsaognir kring landið, settur landsstýrismanninum í fíggjarmálum, Kristinu Háfoss (at svara skrivliga eftir TS § 52a)

Góðu tit.

Ynski at seta avvarandi landstýrismanni hendan fyrispurningin. Um tað ikki ber til at greina svarið í sýslum, kundu kommunalu samstarvsøkini verði nýtt í staðin.

1. Kann landstýrismaðurin upplýsa fermetratalið á almennum húsaognum við virk­semi, býtt á tær seks sýslurnar í Føroyum?

2. Samlaða fermetratalið á leigaðum húsaognum, nýttar til alment virksemi, sum tað er í hvørjari av teimum seks sýslunum?

3. Fermetratalið á sjálvsognarstovnum í sýslunum, har landið rindar kostnaðin?

4. Hvussu nógv alment lønt starvsfólk arbeiða kring landið, uppgjørt eftir sama myndli, í hvørjari av sýslunum?

5. Hvussu stór er almenna lønarútgjaldingin, býtt eftir sama myndli, í hvørjari sýslu sær?

Viðmerkingar

Um vit vilja varðveita okkara oyggjasamfelag, so fólk eisini í framtíðini velja sær bústað uttan fyri meginøki, krevst, at almenn arbeiðspláss í størri mun verða løgd kring landið. Tær gomlu sýslurnar kundu verið eitt gott boð, har politiska skipanin valdi at styrkja økismenningina við almennum arbeiðsplássum.

Vællønt almenn arbeiðspláss krevja ofta góða útbúgving og servitan. Sjálvsagt verða tey flestu av hesum størvum løgd í høvuðsstaðnum á sama hátt sum í okkara granna­londum. Hinvegin er alneyðugt at hugsa um allar Føroyar. Tað kann politiska skipanin gera við at skapa/leggja førleikakrevjandi almenn arbeiðspláss kring landið.

Býtið av teimum seks sýslunum kundi verið eitt gott boð at greina, hvussu býtislut­fallið av almennum arbeiðsplássum er í dag, og um nøkur oyggj er afturúrsigld í mun til onnur øki. Tí fer ein uppgerð av virkseminum, knýtt at húsaognunum, almenna tørvinum á leigubygningum og útgjald av almennum lønum, býtt út á sýslurnar, at greina veruleikan.

Um tað ikki ber til at greina svarið í sýslum, kundu kommunalu samstarvsøkini verið nýtt í staðin.

Á Løgtingi, 15. apríl 2016“

Landsstýriskvinnan svarar soljóðandi:

“Svar

Uppá

skrivligan fyrispurning nr. 44/2015 eftir tingskipanini § 52a til Kristinu Háfoss, landsstýriskvinnu, um alment starvsfólk kring landið, frá Kára P. Højgaard, løgtingsmanni.

Spurningurin er soljóðandi:

1. Hvussu nógv alment lønt starvsfólk arbeiða kring landið, uppgjørt eftir sama myndli, í hvørjari av sýslunum? 2.

2. Hvussu stór er almenna lønarútgjaldingin, býtt eftir sama myndli, í hvørjari sýslu sær? Svar

Til spurning 1 og spurning 2:

Talt er upp í hvørjari sýslu sær.

Rættiliga neyvt er talt upp, hvussu nógv alment lønt størv eru eru hjá landinum í 2015, talt upp í ársverkum, og hvussu stórar lønarútgjaldingarnar hava verið, tilsamans 1,75 mia. fyri 4.442 ársverk. Talt er eftir, hvar arbeiðsgevarin býr.

Hjá kommununum vita vit ikki starvsfólkatalið, men bara lønarútgjaldingarnar. Ikki eru allir roknskapirnir komnir inn, men tað, sum vantar, fer ikki at broyta myndina stórvegis. Har, sum økið er í tveimum sýslum, hava vit býtt helvt um helvt (Sunda komm. og VEKS).

Eisini er sett í talvuna fólkatalið ultimo desember 2015 í einstøku sýslunum.

Býtið var hetta:

Fíggjarmálaráðið 3. mai 2016

Kristina Háfoss, landsstýriskvinna”