Regin Sivertsen , ið hevur verið í starvsvenjing á Norðlýsinum í tvær vikur, hevur skrivað og tikið myndirnar.
Regin Sivertsen úr 9. b á Skúlanum á Ziskatrøð hevur verið í starvsvenjing á Norðlýsinum í 14 dagar, og í tí sambandinum hevur hann fingist við ymsikt fyrifallandi, so sum at arbeiða við heimasíðuni, at taka myndir og annað.
Eisini hevur Regin verið og vitjað starvsfelagar á starvsvenjingarplássinum teirra, og niðanfyri sæst hvat Regin hevur fingið burturúr teimum.
“Eg haldi at tað er gott at skúlarnir senda næmingar út í praktikk, tí so fáa vit betur innlit í hvat tey ymsu arbeiðisplássini fáast við og hvussu arbeiðið í veruleikanum fer fram.
Haldi tó at starvsvenjingartíðin átti at verið styttri”, – sigur Regin Sivertsen .
Regin spurdi hesar spurningar .
Hví valdi tú tað starvsvenjingarplássi ?
Hvat hevur tú gjørt higartil ?
Hvat dámar tær væl á starvsvenjingarplássinum ?
Hvat dámar tær minni væl við at vera starvsvenjing ?
Kundi tú hugsa tær at havt tílíkt starv í framtíðini ?
Fyrst varð Magnus Damberg spurdur.
Navn : Magnus Damberg Starvsvengingarpláss : Trygdarmiðstøðin
Hví valdi tú Trygdarmiðstøðina sum starvsvenjingarpláss ? Eg hevði hug at royna okkurt spennandi , so vónandi læri eg okkurt .
Hvat hevur tú gjørt higartil ? Eg havi rudda, og ansa eftir maskinum.
Hvat dámar tær væl á starvsvenjingarplássinum ? Man lærir nógv, so er tað eisini sera stuttligt .
Hvat dámar tær minni væl við at vera á starvsvenjing ? Einki , alt er gott.
Kundi tú hugsa tær tílíkt starv í framtíðini ? Ja .
Navn : Kristina M. Absalonsen Starvsvenjingarpláss : Útistovan
Hví valdi tú tað at fara á Útistovuna ? Eg visti ikki hvat eg skuldi velja, og her virkaði spennandi.
Hvat hevur tú gjørt higartil ? Sleða , gingið túrar , og annars bara spælt við børnini .
Hvat dámar tær væl á starvsvenjingarplássinum ?Alt sum so.
Hvat dámar tær minni væl við at vera starvsvenjing ? Einki, alt er stak gott.
Kundi tú hugsa tær at havt tílíkt starv í framtíðini ? Kanska, eg veit ikki ordiliga .
Navn : Pætur Gerðalíð Starvsvenjingarpláss : Tekniski Skúlin í Klaksvík.
Hví valdi tú tað at fara á Tekniska skúlan ? Tí at mær dámar væl at gera mat.
Hvat hevur tú gjørt higartil ? Eg havi gjørt døgurða og vaska upp.
Hvat dámar tær væl á starvsvenjingarplássinum ? Alt, her er stak hugnaligt at vera.
Hvat dámar tær minni væl við at vera starvsvenjing ? At vaska upp .
Kundi tú hugsa tær at havt tílíkt starv í framtíðini ? Ja , heilt víst .
