Í sambandi við at Skálagarður, sum er nýggjur depil fyri fólk við seinheilaskaða, er latin upp, verður bjóðað til móttøku á Stangavegi 53 í Klaksvík hósdagin tann 27.04.2023 frá kl. 15 til kl. 17
Skálagarður veitir heildartilboð til borgarar við seinheilaskaða.
Borgarar fáa møguleikarnar at fáa fastan bústað, at búgva í eitt longri tíðarskeið ella at koma til umlætting í eitt styttri tíðarskeið.
Á nýggja deplinum eru 15 íbúðir í ymsum støddum, og atgongd er eisini til felags hølir.
Sirið Stenberg, landsstýriskvinna, fegnast um nýggja depilin, sum er tann fyrsti av sínum slagi í Føroyum.
Á skránni verða røður og sangframførsla, og ein drekkamuður við onkrum góðum afturvið verður eisini at fáa.
Verið hjartaliga vælkomin.
