Hesa vikuna royndarvenur íslendskur leikari við HB.
Talan er um 28 ára gamla Brynjar Hlodversson. Hann spælir vanliga antin sum sentralur miðvallarleikari ella miðverji. Hann hevur m.a. spælt 15 dystir í bestu deildini í Íslandi í 2015 fyri Leiknir. Í 2016 og 2017 hevur hann spælt við Leiknir í næstbestu íslendsku deildini.
HB hevur nýggjan íslendskan venjara, Heimir Guðjónsson, og hann hevur sagt við íslendskar miðlar, at hann hyggur eftir møguleikum at styrkja liðið við íslendskum leikarum.


