Aftur í ár eru ítróttarfeløgini í Sundalagnum ein partur av tiltakinum við Brúnna.
Feløgini skipa í felag fyri m.a. matsøluni á økinum.
Høvið verður at keypa smyrjibreyð, nýgjørdar vaflur við tilhoyri, pylsur og ymiskar drekkivørur. Og sjálvandi verður aftur møguleiki at keypa sær ein góðan sundabúff.
Sum nakað nýtt verður í ár høvið hjá børnunum at keypa ymiskt, ið tey sjálvi sleppa at grilla á bálinum uppi við skúlaøkið, aftaná barnatiltakið kl. 18.00.
Eisini skipa feløgini fyri ymsum kappingum á økinum, har børn og vaksin kunnu royna eydnuna.
Feløgini, sum eru við í ár eru ítróttarfeløgini KÍF, EB/Streymur, Talvfelagið Rókur, Sunda Judofelag, Sunda Róðrarfelag umframt Eiðis Ljómfelag.
