Hóast samlaða játtanin til Klaksvikar Sjúkrahús hækkar eitt vet, er hækkingin minni enn lønarvøksturin. Samstundis sæst at virksemið á Sjúkrahúsinum seinastu árini er nógv øktur.
Sambært fíggarætlanini fyri 2019, sum landsstýriskvinnan í fíggjarmálum júst hevur lagt fram, eru innleggingarnar á Klaksvíkar Sjúkrahúsið, eins og á hinum sjúkrahúsunum minkandi. Men sambært somu tølum er aktiviteturin á KS vaksandi.
Landsstýriskvinnan í Fíggjarmálum skrivar soleiðis í fíggjarætlanini fyri 2019:
….Játtanin í 2019 verður hækkað við 4.014 tús. kr. vegna lønarhækkingar í 2018 og 2019 og hækkað arbeiðsgevaragjald til Arbeiðsmarknaðareftirlønargrunnin. Játtanin er lækkað við 410 tús. kr. í rationaliseringum…..
Rokn. í 2017 Játtan í 2018 Fíggjarætlan 2019
68.972 68.672 72.276
15 mió. kr. íløgum strikaðar
Í ár (2018) stóðu 15 mió. Kr. Játtaðar til Íløgur í Klaksvíkar Sjúkrahús, men her standa 0 kr. Komandi ár. Landsstýrið viðmerkir einans at ætlanirnar á KS blivu av ongum.
Samstundis flytir landsstýriskvinnan í fíggjarmálum óbrúktar íløgupengar hjá Landssjúkrahúsinum til komandi ár at brúka á Landssjúkrahúsinum
Landsstýrið játtar tó 3,5 mió. Kr. Til íløgu í gomlu læknahúsini har miðstøð, har nýggj endurmenningarmiðstøð verður bygd.
11.20.3.11. Klaksvíkar sjúkrahús (Løgujáttan)
Í 2016 vóru 2 mió. kr. játtaðar til bygningsdagføringar, og í 2017 vóru 1,5 mió. kr. játtaðar til at umvæla og nýgera skaðastovuna, umframt til høvuðsinngongd og tekju til økið, har sjúkrabilarnir standa. Tað arbeiðið er ikki alt liðugt.
Í 2018 og í ætlanini fyri 2019 varð játtan veitt til hølisumvælingar, útbúnað og uttanumøkið. Henda ætlan bleiv av ongum.
Í 2018 og 2019 verða tilsamans 6 mió. kr. játtaðar til at dagføra læknahúsini (gula hús) til eina endurmenningarmiðstøð, har nýtt viðgerðartilboð innan endurvenjing (neurorehabilitering) fer at verða veitt.
Játtanin til endamálið í 2019 er 3,5 mió. kr.
