Ungi KÍ miðvallarleikarin hevur havt eitt framúrskarandi fyrsta kappingarár í Effodeildini.
3 upplegg og 2 mál bleiv tað til í seinasta dystinum í landskappingini hjá 19 ára gamla Jóannes Bjartalíð, sum hevur spælt í bestu deildini fyri fyrstu ferð í ár.
Góði endaspurturin hjá Jóannes gjørdi, at hann bleiv leikarin, ið legði upp til næst flest mál í Effodeildini í ár. Tá Jóannes eisini skoraði 8 mál í ár, so skoraði ella legði hann upp til samanlagt 22 mál í ár. Hann hevur spælt í 2061 minuttir og tað svarar til, at hann brúkar 93,7 minuttir um at skora ella leggja upp til mál.
Upplegg 2015
Topp 4
1. Hans Pauli Samuelsen 18 upplegg
2. Jóannes Bjartalíð 14
3-4. Magnus H. Olsen 13
3-4. Rógvi Joensen 13
