Hósdagin 16. Juni verður Jógvan Skorheim 40 ár, og í tí sambandi verður bjóðað til grillað lamb uttanfyri Norðlýsið og Samráð á Klaksvíksvegi 28 í dag frá kl. 12.00.
– Eg havi hugt eftir veðrinum, og tað sær út til at gerast turt og hampiliga gott um middagleiti í dag. Eg havi eisini tosað við grillmeistarin Árna Müller, sum er til dystin fús at grilla lamb við tilhoyri, sigur Jógvan Skorheim
– Hetta er kanska eitt fínt høvi hjá teimum sum hava ein matarsteðg frá arbeiðsplássinum at støkka framvið til ein betri bita.
Øll eru hjartaliga vælkomin sigur Jógvan.
