Tað eru nú 14 dagar síðan Løgmaður fekk frágreiðing frá landsstýrismanninum í Fiskivinnumálum, um ólógligu flytingarnar av veiðuloyvum. Løgmaður, sum er staddur uttanlanda, hevur enn onga niðurstøðu gjørt í málinum. Og nú eru søgur farnar at ganga um at málið um ólógligu veiðuloyvini ávirkar samstarvið millum ovastu embætisligu leiðsluna og landstýrismannin.
Tað eru nú 14 dagar síðan Løgmaður fekk frágreiðing frá landsstýrismanninum í Fiskivinnumálum, um ólógligu flytingarnar av veiðuloyvum. Løgmaður, sum er staddur uttanlanda, hevur enn onga niðurstøðu gjørt í málinum. Og nú eru søgur farnar at ganga um at málið um ólógligu veiðuloyvini ávirkar samstarvið millum ovastu embætisligu leiðsluna og landstýrismannin.
Mikudagin 28.juni var landsstýrismaðurin í Vinnunevndini og bitið varð merki í at hvørki aðalstjórin í fiskimálaráðnum ella stjórin í VØRN vóru við landsstýrismanninum. Ístaðin vóru fulltrúði, deildarleiðari og ein løgfrøðingur einastu umboð fyri embætisverki hjá landsstýrismanninum.
Fráverðan av hægstu embætisfólkunum, sum dagliga skulu umsita nýggju fiskivinnulóggávuna, varð bitið merki í og andstøðan viðmerkti hetta í álitinum sum varð latið løgtinginum seinrapartin
Í álitinum skrivað umboðini hjá andstøðuni í løgtiginum m.a.:
…Arbeiðsumstøðurnar hjá nevndini hava eisini verið sera truplar, tí tað fyri tað fyrsta ikki hevur borið til at fáa fleiri týðandi persónar inn í nevndina til hoyringsfundir.
Millum annað hava, løgmaður, landsstýrismaðurin í fíggjarmálum og landsstýrismaðurin í uttanríkis- og vinnumálum øll verið burturstødd.
Aðalstjórin í Fiskimálaráðnum hevur av einhvørjari orsøk ikki verið við til hoyringarnar. Tað er sera óvanligt í so stórum og týðandi málum og kann neyvan góðtakast. Og tað barst eisini stjóranum í Vørn frá at vera við. Her er talan um embætisfólk, sum skulu umsita skipanina, um hon verður samtykt.
Tað eru tí nógvir spurningar um avleiðingar av uppskotinum, sum meirilutin í nevndin metir seg ikki hava fingið nøktandi svar upp á, og meta vit tí uppskotið als ikki vera búgvið at samtykkja.…..
Í gerðabókini hjá Vinnunevndini stendur soleiðis um vitjanina hjá landsstýrismanninum:
Høgni Hoydal, landsstýrismaður í fiskivinnumálum, kom á fund kl. 13.35 saman við embætisfólki sínum, Jens Helga Toftum, fulltrúa, og saman við umboðum fyri VØRN, Jóhan Simonsen, deildarstjóra, og Jan Klein Olsen, løgfrøðingi, og umboðum fyri Havstovuna, Eilif Gaard, stjóra, og Petur Steingrund, leiðara…..
