Øll sum hava áhugað í fótbólti og døming kunnu hóskvøldið fáa eitt grundskeið í døming.
Í apríl mánaði skipar FSF fyri grundskeiðnum Dómarin . Skeiðið verður hildið runt landið, og verður skeiðið fyri KÍ hildið í Klaksvík, hóskvøldið 20.apríl kl.18-22. KÍ hevur avgjørt at rinda skeiði soleiðis at skeiði er ókeypis fyri luttkararnar. Sosatt kunnu øll sum hava áhugað møta til skeiði sum verður í hølum felagsins á loftinum í KÍ høllini frá kl. 18:00 til kl. 22:00.
Evni sum verða viðgjørd:
Generelt um døming, hvat og hvussu er tað at vera dómari.
Fríspark, – beinleiðis og óbeinleiðis
Rangstøða
Teori og praktik. tekngeving og døming á vøllinum
Luttakararnir skulu ikki til próvtøku, og tískil fáa teir ikki prógv, men eitt luttøkuskjal.
Døming: Døma yngri deildir
Undirvísari: Lassin Isaksen
Upptøkukrøv: 14 ár og eldri.
Luttøkugjald: Ókeypis
Frágreiðing:
Hetta er eitt grundskeið í døming, og er ætlað teimum sum skulu døma í yngri deildum. Kravið í ár, at dómararnir í Dreingja- og Gentudeildini í minsta lagi hava hetta skeiðið.
Vónandi verður møtt fjølment og skeiði er baði fyri kvinnur og menn.
Við ítróttarkvøðu
FÓTBÓLTSSAMBAND FØROYA
og
KLAKSVÍKAR ÍTRÓTTARFELAG
