Fyri triðju ferð tey síðstu fimm árini, skulu KÍ-kvinnur aftur til Kypros. Hesaferð eru mótstøðuliðini úr Grikkalandi og Kosovo, sum luttekur fyri fyrstu ferð, og sjálvandi vertirnir Apollon úr Kypros.
Í samband við lutakastið, verður KÍ altíð umrøtt sum liðið, ið hevur verið við til hvørt einasta lutakast, og soleiðis var eisini hesaferð. Orsøkin er sjálvsagt, at KÍ hevur verið meistaralið síðani hesar bólkakappingar byrjaðu.
Ferðin byrjar væntandi 21. August og endar aftur í Føroyum 29./30. August.
