Um eina løtu, ella kl. 14.00 bríkslar dómarin dystin ímillum KÍ kvinnurnar og besta kvinnuliðið hjá Espanyol RCD De Barcelona ígongd.
Hetta verður helst tyngsti dysturin hjá okkara kvinnum í Edinbourgh. Tær hava leikt ímóti Frankaríki og har taptu tær 6-0, ímóti Hibernian úr Skotlandi taptu tær tepurt 2-1 og nú skulu tær hitta sterkasta liðið, sum vann sín dyst ímóti Fraklandi, so tað verður ongin løtt uppgáva.
Vit frætta úr Edinbourgh at liðuppstillingin verður tann sama sum til undanfarnu dystirnar í Europa Cup í Skotlandi. Allir leikararnir eru tøkir, men sagt verður, at møðin frá undanfarnu dystunum situr enn í beinunum. Veðrið er av tí besta nú stundar til dystarbyrjan. Aftan dystin verður farið beinleiðis til Aberdeen og í flogfarið hjá Atlantic Airways, hetta er ein koyritúrur uppá einar tríggjar til fýra tímar og roknað verður við at flogfarið við okkara kvinnum lendir í Vágunum kl. 21.30.
Norðlýsið fer at fylgja dystinum ídag her á heimasíðuni.
