Klokkan 14:45 leygardagin byrjaði dysturin millum KÍ-kvinnurnar og Valur úr Reykjavík, sum verða mettar at vera favorittar at vinna kappingina.
KÍ hevur verið undir stórun trýsti meginpartin av fyrra hálvleiki, men tær hava staðið væl í verjuni, og tað hevur forðað fyri fleiri málmøguleikum til Valur, samstundis sum Randi Wardum hevur staðið væl í málinum.
KÍ megnaði at halda javnleik 0-0, til áleið 7 minuttir restaðu av fyrra hálvleiki. Tá legði Valur seg á odda 1-0.
Sum væntandi var, spælir KÍ rættiliga verjukent, sum helst er skilagott, havandi í huga, at íslendska liðið helst er tað sterkasta í hesi kappingini.
KÍ-kvinnurnar hava ikki havt tey nógvu álopini. Kanska eini 2-3 skot íalt á íslendska málið í fyrra hálvleiki.
Beint nú fratta vit at 10 min. eru farnir av seinna hálvleiki og Valur hevur fingið 2 mál avtrat eitt við brotsspark, so støðan er nú 3 – 0 til Valur.
20 min farnir av seinna havleiki 5 – 0 til Valur
