Hóast ongan venjara, so vísa KÍ kvinnurnar higartil í ár, at tær eru sera væl fyri í ár.
KÍ spældi í dag á útivølli móti ÍF/Víkingi. KÍ vann 7-0 við málum frá Rannvá B. Andreasen(2), Malenu Josephsen (2), Mariu K. Thomsen, Olgu Kristinu Hansen og Erlu Christiansen.
KÍ kvinnurnar hava 9 stig fyri fyrstu tríggjar dystirnar og málúrtøkuna 22-2. Hetta vísir eina ræðandi styrki. Serliga tá hugsað verður um, at liðið ongan venjara hevur funnið enn. Stóru avbjóðararnir úr EBStr/Skála hava eisini fult stigatal, og tí er enn trupult at meta um, hvar FM heitið endar í ár.
