KÍ var á odda móti Giza Hoyvík í 1.deild, men misti alt seinastu løtuna.
Hjá KÍ merktist tað, at bæði besta liðið og næstbesta liðið eru rakt av skaðum og leikbannum í løtuni. M.a. spældu Jóannes K. Danielsen(byrjaði í Effodeildini), Tórur Justesen (byrjaði í Effodeildini), Heðin Klakstein (kom inn í Effodeildini) Mikkjal á Bergi (skaddur) og Petur Andreasen (skaddur) ikki við. Teir hava sum oftast byrjað inni á næstbesta liðnum í ár.
KÍ kom á odda 1-0, men Giza Hoyvík javnaði áðrenn hálvleik. Beint eftir hálvleik legði Giza Hoyvík seg á odda 2-1, men KÍ svaraði aftur við tveimum málum og 3-2 leiðslan helt líka til 89. minutt. Tá javnaði Giza Hoyvík og í yvirtíðini vann Giza Hoyvík dystin, hóast teir hesa løtuna leiktu við 10 leikarum, tí ein leikari fekk reytt kort. KÍ hevur bara tvær ferðir mist stig á heimavølli í 1.deild í ár – á Norðoyastevnu og á Summar Festivalinum. Oddaliðið AB tapti 2-0 á Svangaskarði, men varðveitir leiðsluna á 4 stig niður til KÍ, sum nú liggur eitt stig frammanfyri B68.
1-0: Eivin Sørensen
1-1: Ahmed Keita
1-2: Niklas F. Jacobsen
2-2: Henry Heinesen
3-2: Steinbjørn Olsen
3-3: Ahmed Keita
3-4: Yohan Borðoy
