NSÍ hevur sum einasta liðið í deildini fult stigatal á heimavølli higartil í ár.
Tá NSÍ og KÍ hava møtt hvørjum øðrum í Runavík síðstu árini, so hevur tað verið skiftandi, hvør er farin avstað við sigrinum. KÍ førir 2-1 síðstu tríggjar dystirnar, men fara vit fimm ár aftur, so er NSÍ omaná sambært FaroeSoccer.
NSÍ er besta heimaliðið í deildini higartil í ár, tí NSÍ hevur vunnið allar sínar seks heimadystir, harav tann eina móti oddaliðnum HB, ið er einasta tapið hjá HB í 2020, venjingardystir íroknaðir. KÍ er næstbesta útiliðið higartil í ár. KÍ hevur vunnið fýra av seks útidystum og bara HB hevur betri hagtøl á útivølli. Dysturin í Runavík mánakvøldið byrjar kl. 18.30.
Innanhýsis dystir í landskappingini í Runavík:
2019: NSÍ-KÍ 0-1
2018: NSÍ-KÍ 2-1
2018: NSÍ-KÍ 0-1
2017: NSÍ-KÍ 2-2
2016: NSÍ-KÍ 2-0
2015: NSÍ-KÍ 4-1
2015: NSÍ-KÍ 3-0
Dystir: 7
NSÍ vunnið: 4
Javnleikur: 1
KÍ vunnið: 2
