Fyrrapartin fríggjadagin spæla KÍ smádreingir dyst ímóti norska felagnum Storhamar. Vinnarin av dystinum kemur í hálvfinaluna í Football Festival Denmark
Tað hevur gingið væl hjá KÍ smádreingjum í stórari altjóða fótbóltskapping í Århus. Lið úr 19 londum eru við í Football Festival Denmark, og nú nærkast kappingin endanum.
KÍ smádreingirnir eru framvegis við millum tey bestu liðini í kappingini, og fríggjamorgunin spælir KÍ avgerandi dyst ímóti norska felagnum Storhamar. Tað liðið, sum vinnur dystin, kemur í hálvfinaluna í sterku kappingini.
KÍ-liðið hevur góðar vónir til dystin, sum væntandi verður bæði tættur og spennandi. Málið hjá liðnum er náa heilt fram í kappingini, og eitt týðandi stig skal takast fríggjadagin.
Liðini, sum eru eftir í A-kappingini hjá smádreingjunum, eru Kampala Kids úr Uganda, Storhamar og Grúner úr Noregi, FC Nordsjælland og Søllerød/Vedbæk úr Danmark og KÍ.
