Tórsvøllur (Mótasteypið): KÍ og Víkingur spæla í løtuni steypafinalu íkappingini um mótasteypið.
15 min.: Higartil hevur dysturin verið javnur, har Víkingurhevur havt bóltin meira, meðan KÍ hevur havt størsta møguleikan, tá GudnyJohannesen hevði eina roynd á yvirleggjaran. Framvegis 0-0.
20 min.: Framvegis 0-0, men Víkingur hevði júst eina góða roynd, har KÍ málverjin Annika Arge stórbjargaði.
25 min.: Hervør Olsen hevði størsta møguleikan í dystinum nú, tá hon kom at standa púra leys nakað úti í høgru síðu. Men skotið fór í síðunetið. Framvegis ein javnur dystur við fleiri møguleikum.
Hálvleikur: Støðan er 0-0 í hálvleikinum. Dysturin hevur verið rættuliga javnur, har bæði liðini hava havt sínar møguleikar. Teir størstu hevur KÍ havt, meðan Víkingur í sjálvum spælinum kanska hevur verið betra liðið.
Dysturin kann annars streamast á FSF heimasíðuni HER
50 min.: Seinni hálvleikur er byrjaður og tað gongur javnt á uttan stórar møguleikar.
55 min.: 1-0 til KÍ! Tóra Mohr legði inn fyri úr høgru. Frammanfyri málinum vann Evy á Lakjuni bóltin í nærdystinum við Malenu Hansen.
65 min.: 1-1 Jensa Olsen javnaði við framúr langskoti.
68 min.: KÍ svarar skjótt aftur. Innlegg úr høgru aftur og eftir trunkaspæl endar tað við, at Hervør Olsen, ið helst hevur verið vandamiklasti KÍ leikarin, fær bóltin í málið. 2-1 til KÍ.
77 min.: Tíðin var um at vera farin, tá Víkingur javnaði eftir hornasparks innlegg. 2-2.
Vanliga leiktíðin farin: 2-2 endaði vanligi dysturin. Nú verður farið undir longda leiktíð á 2×10 minuttir.
87 min.: KÍ hevur verið betra liðið í longdu leiktíðini. Ása K. Olsen hevði júst eitt langskot á yvirleggjaran og beint frammanundan luktaði av brotssparki, tá Hervør Olsen fór um koll í Víkinga brotsteiginum, men floytan tagdi.
90 min.: Hálvleikur og framvegis 2-2. Her gongur ímóti javnleiki og brotssparkskapping, men bæði liðini leggja nógv fyri at vinna dystin.
96 min.: 3-2 til KÍ. Hervør Olsen rann frá Víkinga verjuna og skoraði trygt. Spurningurin er, um Víkingur kemur aftur fyri triðju ferð?
Liðugt: 3-2 til KÍ!
