Um vikuskifti verður árliga vikuskiftiskappingin Kjølur Open í Klaksvík.
Kappingin er partur av Grand Prixnum hjá Talvsambandi Føroya og liður í venjingunum til Norðurlandameistaraheitið í talvi fyri ungdóm, sum verður hesaferð verður í Klaksvík í februar mánað. Av tí sama vera flest allir unglingarnir – umframt aðrar telvarar -, ið skulu luttaka í NM við í kappingini.
Fyri Klaksvíkar Talvfelag er tað gleðiligt, at tveir av ungu NM-telvarunum, Janus Skaale og Bjarki Berholdsen, umboða Føroyar. Teir hava luttikið í venjingum, sum Talvsamband Føroya hevur skipað fyri. og fyri teir og restina av NM-hópinum er Kjølur Open seinasta venjingarkappingin áðrenn NM.
Kappingin verður telvað í “Snjallabjalla”, sum dagligani hýsir skapandi og mennandi virksemi eftir skúlatíð. Meiri upplagt stað kundi valla verði valt, fyri kappingarsinnaðar og skapandi telvarar í øllum aldri.
Kappingin byrjar fríggjadagin 30. januar, kl. 18.00, tá eitt umfar verður telvað. Leygar- og sunnudagin verður byrjað kl. 10.00 og 15.00. Umhugsunartíðin til alt talvið verður 1 ½ tími + 30 sekund fyri hvønn leik.
>
> Tilmeldingarfreistin til kappingina er hóskvøldið 29. januar og fylgast kann við kappingini á www.faroechess.com
Øll eru vælkomin at tekna seg til kappingina, eins væl og øll eru vælkomin framvið at hyggja.
Við talvkvøðu,
Klaksvíkar Talvfelag
