Klaksvíkingur vann sín 6. sigur á rað hetta kappingarárið og tryggjaði sær 3. FM heitið á rað.
At Klaksvíkingur trívist væl á ólavsøku sóu vit aftur hesaferð. Starturin var góður og so koyrdu teir sigurin trygt heim allan vegin inn á málið. Útskiftingin – har m.a. 46 ára gamli Martin Venned kom umborð sum 16. maður hetta kappingarárið – sá ikki út til at ávirka nakað sum helst. Á málinum vóru góð 2 sekund á muni millum Klaksvíking og Suðuroying. Havnarbáturin var aftur nakað aftari og hótti ongantíð hinar báðar.
Talan er um 3. FM heitið á rað hjá Klaksvíkingi, sum eisini hevur vunnið fleiri ferðasteyp til ognar í ár. Norðlýsið ynskir Klaksvíkingi til lukku við flotta úrslitinum.
