FAREC og Kringvarp Føroya hava gjørt avtalu um samstarv har FAREC sleppur at lýsa ókeypis í Kringvarpinum afturfyri at Kringvarpið far rættindi fram um aðrar miðlar
Vit hava tosað við tíðindaleiðaran og leiðaran á Miðladeildini hjá Kringvarpinum men teir vilja ikki kallað avtaluna fyri sponsorrat.
– Vit hava gjørt eina avtalu um ein lýsingarpakka í Kringvarpinum, sigur Miðlaleiðarin.
– Eg vil ikki kallað tað fyri eina sponsoravtalu – men heldur eitt samstarv.
– Nei talan er als ikki um at Kringvarpið er sponsor hjá FAREC, sigu ein avgjørdur tíðindaleiðari.
– ES orðaskiftið er sera aktuelt og tí fara vit í Kringvarpinum at seta fokus á tiltakið í Norðurlandahúsinum. Tað verður gjørt við samrøðum og øðrum, sigur tíðindaleiðarin í Kringvarpinum.
Miðlaleiðarin váttar tó at í samstarvinum er avtalað gjørd um at FAREC sleppur at lýsa í Kringvarpinum uttan beinleiðis at rinda pening fyri lýsingarnar.
Tó undirstrikar hann at FAREC sleppur ikki undan at gjalda og sum skilst er tað í form av samrøðum – sum kringvarpið far rættindi til fram um aðrar fjølmiðlar.
