Oyramaðurin vann Haldor Holm Cup í spennandi kapping í dag. Hetta er áttandu ferð at Kristian Suni Høgnesen vinnur Haldor Holm Cup
Hóast hann ikki var favorittur at vinna í dag, so gjørdi Kristian Suni ikki mætari enn at kveistra alla mótstøðu til viks og harvið standa eftir við flotta Haldor Holm Cup.
Føroya Bjór stuðlar Klaksvíkar Billardfelag við at fyriskipað Haldor Holm Cup og Norðlýsið frættir at stuðulin kemur væl við á hugnaløtuni, sum leikararnir hava í hølunum hjá Klaksvíkar Billardfelag nú í kvøld.
